Konfrans Liqasının 5-ci turunda "Qarabağ" doğma meydanda "Omoniya"nı qəbul edəcək.
"Football-plus.az" saytının məlumarına görə, Cənubi Kipr təmsilçisinin Ağdam klubu ilə ev oyununda zədələnən futbolçusu Erik Boteak artıq sağalıb. Oyunçu artıq məşqlərə qayıdıb. 34 yaşlı futbolçu həftəsonu ölkə çempionatının 10-cu turunda “Aris”lə görüşdə məşqçilər korpusunun sərəncamında olacaq. Boteak noyabrın 25-də Azərbaycan təmsilçisinə qarşı matçda da iştirak edə biləcək. Bundan başqa kapitan Yannis Kusulos və qapıçı Fabiano zədədən əziyyət çəkir. Onlar hələ də məşqlərdə iştirak etmir.
Qeyd edək ki, Tofiq Bəhramov adına Respublika Stadionunda keçiriləcək “Qarabağ” – “Omoniya” görüşü saat 21.45-də start götürəcək.