Birləşmiş Ərəb Əmirliklərinin Dubay şəhərində keçirilən dünya çempionatında görüşlər davam edir.

"Football-plus.az" saytının məlumatına görə, 68 kq çəkidə çıxış edən İrina Zaretska ardıcıl olaraq Nesrin Buqrin (Belçika), Qalina Melnik (Ukrayna), Anna Prezzoti (Braziliya) və Alisa Buxinger (Avstriya) ilə dueldən qalib ayrılıb. Tokio-2020 Yay Olimpiya Oyunlarının gümüş mükafatçısı qızıl medal uğrunda italiyalı Silviya Semeraro ilə döyüşəcək.

Bu gün mübarizəyə qoşulan Pənah Abdullayev (84 kq) və Fəridə Əliyeva (+68 kq) yarışı medalsız bitirib. Asiman Qurbanlı (+84 kq) isə yarımfinaladək irəliləyə bilib. Finala gedən yolda Simone Marinoya (İtaliya) uduzan karateçi bürünc medal uğrunda mübarizə aparacaq.

Azərbaycan karateçisi Rafael Ağayev 75 kq çəkidə ilk görüşündə Li Fenq-Jen (Çin Taypeyi) və İvan Korabauya (Belarus) qalib gəlsə də, növbəti qarşılaşmada Skott Tomasa (ABŞ) uduzaraq, yarışı medalsız başa vurub.