“Vest Hem” UEFA-nın sanksiyalarından qaça bilməyib.

İngiltərə klubu Avropa Liqasının qrup mərhələsinin 5-ci turunun gələn həftə keçiriləcək “Rapid”lə səfər matçında azarkeşlərinin dəstəyindən məhrum edilib. Buna “Genk” ilə noyabrın 4-də baş tutan oyunda (2:2) ingilis fanatların yolverilməz hərəkətləri səbəb olub. Onlar Belçikadakı matçda tribunalarda qarışıqlıq salmış və meydana yad əşyalar atmışdılar. UEFA-nın müvafiq komitəsi bu insidentlərə görə “Vest Hem”ə 34500 avro cərimə də kəsib.