“Qarabağ” – “Omoniya” oyununun biletləri nə vaxt satışa çıxarılacaq? – RƏSMİ AÇIQLAMA
Konfrans Liqasının 5-ci turunda “Qarabağ” doğma meydanda “Omoniya”nı qəbul edəcək.
“Football-plus.az” saytının məlumatına görə, “köhlən atlar” bundan öncə “Kayrat” üzərində qələbə qazanaraq növbəti mərhələ problemini həll edib. Azərbaycan futbolu tarixində ilkə imza atan Ağdam təmsilçisinin Cənubi Kipr komandası ilə qarşılaşması da maraqla gözlənilir. Azarkeşlərin oyuna marağı yetərincə çoxdu. Görəsən, görüşün biletləri nə vaxt satışa çıxacaq? Sualımıza cavab tapmaq üçün klubun mətbuat xidmətinin rəhbəri Gündüz Abbaszadə ilə əlaqə saxladıq:“Omoniya” ilə oyununun biletləriylə bağlı bəzi texniki məsələlər var. O həll olan kimi satışa çıxaracağıq. Qiymətlərdə dəyişiklik yoxdu. Eynilə “Kayrat” ilə görüşdə necə idisə, bu dəfə də elə olacaq”.
Biletlərin qiyməti uyğun olaraq 3, 5, 10, 50 və 75 manat təşkil edir. “Tofiq Bəhramov”da keçiriləcək görüşdə COVID-19 pandemiyası ilə əlaqədar stadionunun tutumunun 50 faizi qədər azarkeş tribunalara buraxılacaq.
Qeyd edək ki, qarşılaşma noyabrın 25-də, saat 21.45-də başlayacaq.
GÜNAY VƏLİYEVA
