1971-ci il noyabrın 17-də Şirvanda (keçmiş Əli Bayramlı) anadan olan, gənclər arasında SSRİ yığmasının heyətində Avropa çempionluğunu qazanan, peşəkar karyerasına Bakını təmsil edən "Termist"də başlayıb, "Neftçi", "Turan", "Qarabağ", "Şəfa", "Karvan", "Olimpik Şüvəlan" klublarında oynayan, müxtəlif illərdə Rusiyada "Terek", "Anji", "Fakel"in uğurları üçün tər tökən, Ukraynada "Volın"ın formasını geyinən, İran “İstiqlal”ında legioner həyatı yaşayan Tərlan Əhmədov sabah 50 illik yubileyini qeyd edəcək.

1992-2005-ci illər arasında millinin əsas futbolçularından olan və 75 oyunda iştirak edən müdafiəçi yığmada kapitan sarğısını ən çox qoluna taxmış futbolçulardan biridi.

“Football-plus.az”saytının məlumatına görə, məşqçi karyerasına 2009-cu ildə "Xəzər Lənkəranda başlayan Əhmədov "Neftçi"də köməkçi, daha sonra baş məşqçi olub, həmçinin AZAL və "Keşlə"ni çalışdırıb.

Ölkənin futbol camiəsinin tanınmış simalarından olan mütəxəssis yubileyini təmtəraqla qeyd edəcək. O əlamətdar günü yaxın dost-tanışı ilə birgə “Kolizey” restoranında keçirəcək.