DÇ-2022-nin dünən keçirilən Albaniya ilə seçmə oyunu Harri Keyn üçün əlamətdar olub.

"Football-plus.az" saytının məlumatına görə, o, İngiltərə yığmasının 5:0 hesablı qələbəsinə het-trik etməklə töhfə verib. “Tottenhem”in hücumçusu bununla da milli formadakı qollarının sayını 44-ə çatdırıb. 28 yaşlı Keyn yığmanın rəsmi oyunlarında qol sayına görə Ueyn Runini (37) arxada qoyub. O, indi bu planda 39 qolla rekordçudu.

Amma Harri milli komandada ümumi qol sayına əsasən rekordçu olan Runidən hələ də geridədi. Ueyn 2003-18-ci illərdə ölkənin əsas komandasında 120 oyuna 53 qol vurub. Başqa sözlə, Harri ona çatmaq üçün hələ 9 qol da vurmalıdı. Onu da bilin ki, “Tottenhem”in hücumçusu yığmanın ən yaxşı bombardirlərinin siyahısında Cimmi Qrivz ilə birlikdə 4-cü yeri bölüşür.