Bugün milli komanda 2021-ci ildə son matçına çıxır.

Yığma DÇ-2022-nin seçmə mərhələsinin A qrupunun yoxlama xarakterli görüşündə Qətəri qəbul edəcək. Lüksemburqla oyunda məğlub olan, ümumiyyətlə, tskili biabırçı nəticə ilə başa vuran təmsilçimiz üçün bu görüş ili xoş notlarla tamamlamaq baxımından əhəmiyyətlidi. Böyük ehtimalla bu, Canni de Byazinin yığmaya rəhbərlik etdiyi son matç olacaq. İtaliyalı mütəxəssisin müqaviləsinin müddəti noyabrın 30-da bitəcək. De Byazi də imici baxımından bu oyunda məğlub olmaq niyyətində deyil. Qarşılaşmanın nəticəsi o qədər də əhəmiyyətli deyil. Ümumiyyətlə, Qətər yığmasının Avropa zonasında iştirakı bir çoxları tərəfindən xoş qarşılanmamışdı. Burda məqsəd dünya çempionatına evsahibliyi edən ərəblərin mundiala yaxşı hazırlaşmasına şərait yaratmaq idi.

Ümumiyyətlə, bu komandalar üç dəfə üz-üzə gəlib. Bu görüşlərin hamısı yoxlama xarakterli olub. Qətərlə ilk dəfə 2013-cü ildə Dohada qarşılaşmışıq. Matçda qalib müəyyənləşməyib - 1:1. 4 il sonra yenə eyni şəhərdə ərəblərli 2:1 hesabı ilə üstələmişik. 2021-ci ilin əvvəlində Debretsendə keçirilən matçda isə Qətər sevinən tərəf olub (2:1).

De Byazi böyük ehtimalla bu görüşdə yığmaya dəvət etdiyi gənclərə güvənəcək. Bunu nəzərə alıb, indidən yığmamızın Qətərə qarşı təxmini heyətini diqqətinizə çatdırmaq istəyirik. Qapıda “Qarabağ”ın ikinci qolkiperi Emil Balayev yer alacaq. 5-li müdafiə sistemindən istifadə edən De Byazi Anton Krivotsyuku solda, Höccət Haqverdi, Cəlal Hüseynov və Mərt Çəliki mərkəzdə, Amin Seydiyevi isə sağda oynadacaq. Yarımmüdafiənin dayağında Vüqar Mustafayev yer ala bilər. Coşqun Diniyev də Emin Mahmudovun əvəzinə meydanda ola bilər. Namik Ələskərov sağ, Araz Abdullayev sol cinahda çıxış edəcək. Hücumda isə Renat Dadaşov və ya Rüstəm Əhmədzadədən birinə güvənəcək. Təbii ki, bu, bizim təxminlərdi. Onu da nəzərə alaq ki, yığmanın əsas heyətində çıxış edən futbolçuların bəziləri 10 gün sonra avrokuboklarda meydana çıxacaq. Bu səbəbdən də De Byazi onlara istirahət verməlidi.

DÇ-2022-nin seçmə mərhələsi
Yoxlama oyunu

Azərbaycan - Qətər 2:2
Emin Mahmudov, 36 (pen.), 67 - Almoez, 23, 78
Hakimlər: DONATAS RUMŞAS, Aleksandr Radius, Dovidas Sujiedelis (hamısı Litva), Elçin Məsiyev (Azərbaycan).
14 noyabr. Bakı. Olimpiya stadionu. Saat 21.00

İLKİN SULTANLI