Artıq Kriştiano Ronaldo ilə Lionel Messini bombardirlik qabiliyyətinə görə üstələyən biri var.

Söhbətin yəqin ki, Robert Levandovskidən getdiyini anladınız. Polşalı hücumçu indiyədək onlar qədər qol vurmasa da, azı bu ilki göstəricisinə əsasən portuqaliyalı ilə argentinalını aşkar üstələyir.

Polşa yığması okyabrın 12-də DÇ-2022-nin seçmə matçında Andorranı 4:1 hesabı ilə məğlub edib. Qaliblərin qollarının ikisini Levandovski vurub. “Bavariya”nın 33 yaşlı hücumçusu bununla da 2021-ci ildə klubda və yığmada vurduğu qolların ümumi sayını 62-yə çatdırıb. Maraq üçün Ronaldo ilə Messidə bu planda göstəricilərin uyğun olaraq 42-yə və 40-a bərabər olduğunu qeyd edək. Fərq böyükdü, deyilmi?..