Bu gün 2022-ci ildə Qətərdə keçiriləcək dünya çempionatının Avropa zonası üzrə seçmə turnirində son sınaqlara start veriləcək.

6 gün ərzində qrup mərhələsinin həlledici - 9-cu və 10-cu turlarının oyunları keçiriləcək.
İkinci dəfə Asiyada təşkil ediləcək mundiala Avropa üçün 13 vəsiqə ayrılıb. Seçmə turnirin reqlamentini xatırladaq. Final mərhələsinə Avropadan meydan sahibi kimi qatılacaq yığma olmayacağından 13 vəsiqənin hamısı sahibini əsl mübarizə nəticəsində tapacaq. Bu vəsiqələr uğrunda 55 yığma 10 qrupda ikidövrəli sistemlə mübarizəyə martın 24-də başlayıb. Mundial iştirakçılarından 10-u seçmə qrup mərhələsində müəyyənləşəcək. Yəni Avropada qrup qalibləri dünya çempionatına birbaşa yollanacaqlar. Digər 3 vəsiqənin sahibi isə pley-off oyunlarından sonra bilinəcək. Bu mərhələdə 10 seçmə qrupda ikinci yeri tutacaq komandalar və ötən il keçirilən Millətlər Liqasının seçmə turnirində ən yaxşı göstəricilərə malik iki qrup qalibi (turnirin reytinqinə əsasən) mübarizə aparacaq. Həmin iki yığma isə DÇ-2022-yə birbaşa vəsiqə qazanmayan və ya pley-offlara düşməyənlər sırasından seçiləcək. Beləliklə, daha 12 komandanın növbəti mundialda iştirak etmək şansı olacaq. 2022-ci ilin martına təyin olunan pley-off oyunlarında yığmalar hər birində 4 iştirakçı olmaqla 3 qrupa ayrılacaqlar. Hər qrup üzrə yarımfinalçılar müəyyən ediləcək. Bir oyundan ibarət olacaq bu mərhələnin qalibləri finala çıxacaqlar. Və finalların üç qalibi DÇ-2022-də Avropanı təmsil edəcək son komandalar olacaq.

Arxada qalan 8 turdan sonra yalnız iki komanda mundiala birbaşa vəsiqəni təmin edib. Azarkeşlərini F qrupunda maksimum nəticə göstərən Danimarka və J qrupunda Almaniya yığması erkən sevindirib. Son oyunlarda uğurlu və ya lazımi nəticələr əldə edəcəyi halda Serbiya, Portuqaliya, İsveç, İspaniya, İtaliya, İsveçrə, Fransa, Belçika, Niderland, Norveç, Rusiya, Xorvatiya və İngiltərə komandalarının qrup lideri kimi dünya çempionatına yollanmaq şansı daha yüksək dəyərləndirilir.

DÇ-2022-nin SEÇMƏ TURNİRİ
Qrup mərhələsi, 9-10-cu turlar

A qrupu
11 noyabr: AZƏRBAYCAN – Lüksemburq, İrlandiya - Portuqaliya.
14 noyabr: Portuqaliya – Serbiya, Lüksemburq - İrlandiya.

1. Serbiya 7 5 2 0 16-8 17
2. Portuqaliya 6 5 1 0 16-4 16
3. Lüksemburq 6 2 0 4 5-14 6
4. İrlandiya 6 1 2 3 8-8 5
5. AZƏRBAYCAN 7 0 1 6 4-15 1

B qrupu
11 noyabr: Gürcüstan – İsveç, Yunanıstan - İspaniya.
14 noyabr: İspaniya – İsveç, Yunanıstan - Kosovo.

1. İsveç 6 5 0 1 12-3 15
2. İspaniya 6 4 1 1 13-5 13
3. Yunanıstan 6 2 3 1 7-6 9
4. Gürcüstan 7 1 1 5 4-12 4
5. Kosovo 7 1 1 5 4-14 4

C qrupu
12 noyabr: İtaliya - İsveçrə, Şimali İrlandiya - Litva.
15 noyabr: İsveçrə - Bolqarıstan, Şimali İrlandiya - İtaliya.

1. İtaliya 6 4 2 0 12-1 14
2. İsveçrə 6 4 2 0 10-1 14
3. Bolqarıstan 7 2 2 3 6-10 8
4. Şimali İrlandiya 6 1 2 3 5-7 5
5. Litva 7 1 0 6 4-18 3

D qrupu
13 noyabr: Fransa – Qazaxıstan, Bosniya və Hersoqovina - Finlandiya.
16 noyabr: Finlandiya - Fransa, Bosniya və Hersoqovina - Ukrayna.

1. Fransa 6 3 3 0 8-3 12
2. Ukrayna 7 1 6 0 9-8 9
3. Finlandiya 6 2 2 2 7-7 8
4. Bosniya və Hers. 6 1 4 1 8-7 7
5. Qazaxıstan 7 0 3 4 5-12 3

E qrupu
13 noyabr: Belçika – Estoniya, Uels – Belarus.
16 noyabr: Çexiya – Estoniya, Uels - Belçika.

1. Belçika 6 5 1 0 21-4 16
2. Çexiya 7 3 2 2 12-9 11
3. Uels 6 3 2 1 8-7 11
4. Estoniya 6 1 1 4 8-16 4
5. Belarus 7 1 0 6 6-19 3

F qrupu
12 noyabr: Danimarka - Farer adaları, Moldova – Şotlandiya, Avstriya - İsrail.
15 noyabr: Şotlandiya – Danimarka, Avstriya - Moldova, İsrail – Farer adaları.

1. Danimarka 8 8 0 0 27-0 24
2. Şotlandiya 8 5 2 1 13-7 17
3. İsrail 8 4 1 3 18-15 13
4. Avstriya 8 3 1 4 11-14 10
5. Farer adaları 8 1 1 6 4-17 4
6. Moldova 8 0 1 7 4-24 1

G qrupu
13 noyabr: Türkiyə – Cəbəllütariq, Norveç – Latviya, Monteneqro - Niderland.
16 noyabr: Niderland – Norveç, Cəbəllütariq – Latviya, Monteneqro - Türkiyə.

1. Niderland 8 6 1 1 29-6 19
2. Norveç 8 5 2 1 15-6 17
3. Türkiyə 8 4 3 1 19-15 15
4. Monteneqro 8 3 2 3 11-11 11
5. Latviya 8 1 2 5 8-13 5
6. Cəbəllütariq 8 0 0 8 3-34 0

H qrupu
11 noyabr: Rusiya – Cənubi Kipr, Slovakiya – Sloveniya, Malta - Xorvatiya.
14 noyabr: Sloveniya – Cənubi Kipr, Xorvatiya - Rusiya, Malta - Slovakiya.

1. Rusiya 8 6 1 1 13-5 19
2. Xorvatiya 8 5 2 1 13-3 17
3. Slovakiya 8 2 4 2 9-8 10
4. Sloveniya 8 3 1 4 9-9 10
5. Malta 8 1 2 5 8-17 5
6. Cənubi Kipr 8 1 2 5 3-13 5

I qrupu
12 noyabr: İngiltərə - Albaniya, Macarıstan - San Marino, Andorra - Polşa.
15 noyabr: San Marino - İngiltərə, Polşa - Macarıstan, Albaniya - Andorra.

1. İngiltərə 8 6 2 0 24-3 20
2. Polşa 8 5 2 1 25-8 17
3. Albaniya 8 5 0 3 11-7 15
4. Macarıstan 8 3 2 3 13-12 11
5. Andorra 8 2 0 6 7-19 6
6. San Marino 8 0 0 8 1-32 0

J qrupu
11 noyabr: Almaniya – Lixtenşteyn, Ermənistan – Şimali Makedoniya, Rumıniya - İslandiya.
14 noyabr: Şimali Makedoniya – İslandiya, Ermənistan - Almaniya, Lixtenşteyn - Rumıniya.

1. Almaniya 8 7 0 1 23-3 21
2. Rumıniya 8 4 1 3 11-8 13
3. Şimali Makedoniya 8 3 3 2 15-10 12
4. Ermənistan 8 3 3 2 8-11 12
5. İslandiya 8 2 2 4 11-15 8
6. Lixtenşteyn 8 0 1 7 2-23 1

Bombardirlər: Depay (Niderland) - 9, Zahavi (İsrail) - 8, Mitroviç (Serbiya) - 7.