“Səbail"də məşqçi dəyişikliyi baş verib.

"Football-plus.az" saytının məlumatına görə, bu haqda paytaxt təmsilçisinin mətbuat xidməti xəbər yayıb. Klubun əvəzedicilərdən ibarət komandasının baş məşqçisi Ruslan Qafitullin vəzifəsindən ayrılıb. 2021-ci ildən "Səbail 2"ni çalışdıran mütəxəssisin müqaviləsinə qarşılıqlı razılıq əsasında xitam verilib. Qafitulin 2018-ci ildə "dənizçilər"in 17 və 19 yaşadək futbolçulardan ibarət komandalarında baş məşqçilik edib.

“Səbail 2”də yeni baş məşqçinin də adına aydınlıq gəlib. Paytaxt təmsilçisini Səbuhi Həsənov çalışdıracaq. O, 2021-ci ilin dekabr ayının sonunadək komandanın baş məşqçisi vəzifəsini icra edəcək.

Qeyd edək ki, Səbuhi Həsənov 2018-ci ildən etibarən “Səbail”in U-13 və U-15 yaş qruplarında baş məşqçi, U-19 və “Səbail-2” komandalarında isə köməkçi məşqçi vəzifələrində çalışırdı.