İlin ən yaxşı futbolçularının mükafatlandırılma mərasiminin keçiriləcəyi tarix açıqlanıb.

"Football-plus.az" saytının məlumatına görə, FİFA-nın rəsmi saytı bu haqda xəbər paylaşıb. Mənbədə, tədbirin 2022-ci ilin noyabrın 17-də baş tutacağı qeyd edilib. Mükafatlar ilin ən yaxşı kişi və ən yaxşı qadın futbolçusu, kişi və qadın komandalarının ən yaxşı məşqçiləri, kişi və qadınların ən yaxşı qapıçıları, həmçinin kişilərdən və qadınlardan ibarət simvolik komandalar, ədalətli oyuna görə mükafatın qalibi və ən yaxşı azarkeş kampaniyası nominasiyasında mükafatlar sahiblərinə təqdim olunacaq.

Qaliblər bütün milli komandaların kapitanları və baş məşqçiləri, azarkeşlər və media nümayəndələrinin iştirak edəcəyi onlayn səsvermə yolu ilə müəyyən ediləcək. Namizədlər üzrə səsvermə noyabrın 22-dən dekabrın 10-dək aparılacaq.