Radamel Falkao uzun müddətə sıradan çıxıb.

Təcrübəli futbolçu İspaniya çempionatının “Real”la son matçında (1:2) zədələnib. 69-cu dəqiqədə meydana çıxan Falkao 81-ci dəqiqəyə qədər oynaya bilib. Həkimlər müayinə nəticəsində “Rayo Valyekano”nun hücumçusunun təxminən 3-4 həftə futbolsuz qalacağını ehtimal edirlər.

Radamel İspaniya klubuna bu yay “Qalatasaray”dan gəlib. 35 yaşlı kolumbiyalı futbolçu La Liqanın cari mövsümündə iştirak etdiyi 8 oyunda 5 qol vurub.