BFTSF ən yaxşı pleymeyker adına namizədlərin siyahısını açıqladı
Beynəlxalq Futbol Tarixi və Statistikaları Federasiyası (BFTSF) 2021-ci ilin ən yaxşı pleymeykeri adına namizədlərin siyahısını açıqlayıb.
Siyahıya 15 futbolçunun adı daxil edilib. “Mançester Siti”nin daha çox – 3 oyunçusu fərdi mükafata iddia edir: Bruno Fernandeş (Mançester Yunayted), Serjio Oliveyra (Portu), Fil Foden, Kevin De Bruyne, Riyad Mahrez (hamısı “Mançester Siti”), Pedri (Barselona), Takefusa Kubo (Malyorka/Real), Jorjinyo, Meyson Maunt (hər ikisi “Çelsi”), Pyer Emil Höybyerq (Tottenhem), Covanni Reyna (Borussiya D), Luka Modriç (Real), Tomas Müller (Bavariya), Lionel Messi (Barselona/PSJ), Nikolo Barella (İnter). BFTSF bu nominasiyanın qalibinin adını noyabrın sonunda elan edəcək.
