Qardaşı Ramos haqda
Son vaxtlar Serxio Ramos haqda ziddiyətli xəbərlər gəzir.
Onun bu yay sıralarına qoşulduğu PSJ ilə müqaviləsinin pozula biləcəyi iddia edilir. Doğrudu, Fransa klubu bu iddianı təkzib edib. Ancaq təcrübəli futbolçunun zədəsini tam sağalda bilmədiyi üçün hələ də PSJ-də debüt etməməsi məlum şayiələrin səngiməsinə mane olur.
Belə məqamda ispan müdafiəçinin həm də qardaşı olan agenti Rene Ramos yerli mediaya qısa açıqlama verib:
“Serxio klubu ilə müqaviləni pozmaq və ya karyerasını başa vurmaq haqda düşünmür. Buna heç kimin şübhəsi olmasın. Onun problemi fiziki forması ilə bağlıdı. Serxio bundan sonra bacardığı qədər futbol oynayacaq”.
