“Milan” rəhbərliyi Stefano Pyolinin fəaliyyətindən razıdı.

Komandanın dünən “İnter” ilə keçirilən derbidə (1:1) qazandığı bir xalla A seriyasında “Napoli” ilə şərikli liderliyini davam etdirir.

Qeyd edək ki, “Milan” mövsümün ilk 12 matçında 32 xal qazanmaqla qələbəyə görə 3 xal sisteminin tətbiq olunduğu 1994/95 mövsümündən sonra yeni rekorda nail olub.

Hazırda İtaliya çempionatında işlərin qaydasında getməsi rəhbərlikdə Pyolinin müqaviləsinə yenidən baxmaq fikrini doğurub. Bu barədə Nikolo Skira məlumat yayıb. Tanınmış jurnalist tərəflərin tezliklə müddəti 2024-cü ilin yayınadək nəzərdə tutulan yeni müqavilə imzalayacağını bildirib. 56 yaşlı mütəxəssis yeni anlaşmaya əsasən bonuslar nəzərə alınmadan ilə indiki kimi 2 milyon deyil, 3 milyon avro qazanacaq. Qeyd edək ki, Pyolinin hazırkı sözləşməsinin müddəti 2022-ci ilin yayına qədərdi.