“CBC Sport”un əməkdaşları Türkiyədə VAR təcrübəsi ilə tanış olur - AÇIQLAMA
Azərbaycan premyer-liqasının oyunlarına təyinat alan baş hakimlər və köməkçiləri, 1-ci dvizionun oyunlarını idarə edən bir neçə hakim, həmçinin “CBC Sport” telekanalının bir neçə operatoru İstanbulda təşkil olunan seminarda iştirak ediblər.
Məqsəd VAR otaqları ilə tanışlıq, VAR simulyatoru vasitəsilə praktiki məşğələlər və nəzəri biliklərin artırılması olub. Noyabrın 4-dək davam edən seminarın təlimatçısı funksiyasını Barış Şimşək, Burçin Kəskin və Frits Stuxlik yerinə yetirib.
Məsələ ilə bağlı diqqətimizi çəkən məqam var. “CBC Sport” telekanalının bir neçə operatoru seminarda iştirak edib. Onlara kim rəhbərlik edib?
Sualımızı telekanalın Xəbərlər Xidmətinin direktoru Şəmsəddin Abbasova ünvanladıq: “Texniki departamentin işçiləri orda olublar. Baş direktor Volkan Üst bu məsələni müntəzəm nəzarətdə saxlayır. O, bu işdə əsas insanlardan biridi. Çünki yayın hüququ “CBC Sport”a məxsusdu. Təbii ki, bizim də burda işimiz olacaq. Oyunları çəkən telekanal olduğumuza görə bu seminarda iştirak etdik. Hazırda texniki direktorumuz Arif Əlimuradov və bir neçə əməkdaşımız türkiyəli həmkarlarının təcrübəsi ilə tanış olurlar”.
İLKİN SULTANLI
