"Bəzən ancaq bəxtsizlik olur" - Mahir Emreli
Avropa Liqasında 4-cü turun oyunları yekunlaşıb.
"Football-plus.az" saytının məlumatına görə, "Legiya" doğma meydanda "Napoli"yə 1:4 hesabı ilə məğlub olub. Varşava təmsilçisində çıxış edən azərbaycanlı futbolçu Mahir Emreli oyundan sonra şəxsi "instaqram" hesabında paylaşım edib."Açığı, son avrokubok oyunundakı nəticənin ümumi çıxışımızı əks etdirdiyinə inanmıram. Biz çox səy göstərdik və güclü komanda işi nümayiş etdirdik, lakin bu həmişə kifayət etmir. Bəzən sadəcə, bəxtsizlik olur. Bununla belə, düşünürəm ki, komanda ruhu bizimlə qalacaq və qarşıdakı oyunların nəticələrində özünü göstərəcək. Bu çətin dönəmdə bizi dəstəkləyən bütün azarkeşlərimizə təşəkkürümü bildirmək istəyirəm.
Bu klubun bir parçası olduğum üçün çox xoşbəxtəm və qürur duyuram. İndi bizim sizi qürurlandırmaq növbəmizdi".
Qeyd edək ki, "Napoli" ilə matçda "Legiya"nın yeganə qolunu 11-ci dəqiqədə Mahir Emreli vurub
