Üç ayda ikinci dəfə dünya çempionu olan azərbaycanlı
Serbiyanın paytaxtı Belqradda keçirilən U-23 dünya çempionatında qızıl medal qazanan Həsrət Cəfərov Dünya Güləş Birliyinin saytına açıqlama verib.
“Football-plus.az” saytının məlumatına görə, yunan-Roma güləşi millimizin üzvü məqsədinin kişilər arasında da uğurlar qazanmaq olduğunu deyib:"İkinci dəfə dünya çempionu olduğuma görə çox şadam. Böyüklər arasında yaxşı nəticələr qazanmaq üçün daha səylə çalışacaq. Hər bir medal böyük məsuliyyət gətirir. Rəqiblərim parterdəki texnikamı, ayaqüstə mübarizə üslubumu bilirlər. Belə çətin qələbələr qazanmamaq üçün bunları daha da yaxşılaşdırmağa çalışacam".
Qeyd edək ki, Həsrət Cəfərov avqustda Rusiyanın Ufa şəhərində təşkil olunan gənclər arasında dünya çempionatında da qızıl medal qazanıb. 20 yaşlı pəhləvan Belqradda final görüşündə iranlı Asiya çempionu Məhəmməd Rezayini məğlub edib.
