Andre Onananın mövsümün sonunda iş yerini dəyişəcəyi ilə bağlı bir müddət əvvəl yayılan xəbərlər doğru çıxıb.
Onun “Ayaks”ı tərk edərək İtaliyaya yollanmaq imkanının olduğu xəbər verlmişdi. Onana artıq yeni klubu ilə bütün məsələlərdə razılığa gəlib. Kamerunlu qapıçı “İnter”lə 4 illik müqavilə bağlayacaq. Tanınmış jurnalist Nikolo Skiranın məlumatına görə, Andrenin yeni iş yerində illik məvacibi 3 milyon avro nəzərdə tutulub.
“Ayaks”la müqaviləsini yeniləməyən futbolçu İtaliya klubuna azad agent kimi qoşulacaq. Qeyd edək ki, Onana bu ilin əvvəlində yasaqlanmış preparat qəbul etdiyi üçün 9 aylıq cəzaya məruz qalmışdı. Ona verilən cəzanın müddəti noyabrın 3-də sona çatıb.
