Lionel Messinin zədə səbəbindən bir neçə oyunu buraxacağı məlum olub.

PSJ-nin 34 yaşlı hücumçusunun hələ sentyabrda Argentina millisinin heyətində Venesuela ilə keçirilən matçda (3:1) zədələndiyi açıqlanıb. Dizindəki ağrıların o vaxtdan onu narahat etdiyi və bərpanın bir az vaxt aparacağı bildirilib. Messi artıq Madriddəki klinikalardan birində reabilitasiya kursu keçməyə başlayıb. Yayılan məlumatda o da qeyd olunub ki, Lionel DÇ-2022-nin seçmə mərhələsi çərçivəsində noyabrın 17-də Braziliya ilə keçiriləcək oyuna kimi tam sağalmaq istəyir.

Yeri gəlmişkən, Çempionlar Liqasının qrup mərhələsinin 4-cü turunun “Leyptsiq”lə dünənki oynunu (2:2) buraxan ulduz futbolçu Argentina millisina çağırılıb. Argentina Futbol Assosiasiyasının “tvitter” səhifəsinin məlumatında onun DÇ-2022-nin seçmə mərhələsinin Uruqvay (13 noyabr) və Braziliya ilə matçları üçün yığmaya dəvət aldığı bildirilir. Lionelin qarşıdakı günlərdə əzələsindəki problemi arxada qoyacağına ümid bəslənilir.