"Qarabağ"ı Almatıda nə qədər azarkeş dəstəkləyəcək? - RƏSMİ AÇIQLAMA
Konfrans Liqasının 4-cü turunda "Qarabağ" səfərdə "Kayrat"ın qonağı olacaq
"Football-plus.az" saytının məlumatına görə, qarşılaşma bu gün saat 19.30-da Almatıda "Ortalyk" stadionunda baş tutacaq. Ağdam təmsilçisinin azarkeşləri üçün ayrılan biletlərdən nə qədər satıldığını və Zubirin son vəziyyətini dəqiqləşdirmək üçün klubun mətbuat xidmətinin rəhbəri Gündüz Abbaszadə ilə əlaqə saxladıq:"Zubirin vəziyyəti hələ bəlli deyil. Birazdan müayinədən keçəcək. Ondan sonra bilinəcək oynayacaq, yoxsa oynamayacaq. Digər məsələyə gəldikdə isə dünən axşam saatlarına qədər 50 bilet satılmışdı. Bu gün bizi dəstəkləməyə gələcək azarkeşlərin sayının artacağı gözlənilir".
Sonda qeyd edək ki, aldığımız məlumata görə, azərbaycanlı azarkeşlər arasında "Qarabağ" fanatları üçün ayrılan sektorlara deyil, başqa sektorlara bilet alanlar var. Fürsətdən istifadə edib deyək ki, təmsilçimizin dəstəkləmək üçün klubumuz üçün ayrılan 26, 27 və 28 sektorlardan bilet alasınız.
