“Neftçi”nin müdafiəçisi Ömər Buludovun durumuna aydınlıq gəlib.

Klubun mətbuat xidmətindən verilən məlumata görə, 23 yaşlı cinah oyunçusunun zədəsi ciddi deyil. Belə ki, “Qarabağ”la qarşılaşmanın 37-ci dəqiqəsində zədələnərək əvəzlənən Buludov dünən tibbi müayinədən keçib. Oyunçuda hər hansı çıxıq, çat və ya sınıq aşkarlanmayıb. İbrahima Vacinin dizi kürəyinə tuş gələn Ömərdə əzilmə olub ki, bu da oynamasına maneə törətmir. O, “Keşlə” ilə 10-cu turun matçında məşqçilər korpusunun sərəncamında olacaq.
Qeyd edək ki, “Keşlə” – “Neftçi” görüşü noyabrın 6-da “ASK Arena”da keçiriləcək.