Ramos artıq PSJ-yə lazım deyil?
PSJ Serxio Ramosla yolları ayıra bilər. Bu haqda “Le Parisien” qəzeti xəbər yayıb.
Paytaxt klubuna bu yay qoşulan futbolçu uzun müddətdi zədəsini tam sağalda bilmir. Bu səbəbdən rəhbərlik komandada hələ debüt etməyən ispaniyalı müdafiəçinin müqaviləsini ləğv etmək istəyir. Klubun başbilənlərinin 35 yaşlı futbolçunun səhhəti və fiziki durumundan narahat olduğu bildirilib. Qeyd edək ki, “Real”dan azad agent kimi ayrılan Ramos PSJ ilə ikiillik müqavilə bağlayıb.
Amma bu da var ki, Fransa klubunun idman direktoru Leonardo yerli KİV-ə açıqlamasında dünya və Avropa çempionu ilə bağlı gəzən şayiələrə mənfi reaksiya verib:“İspaniya mediası futbolçu ətrafında gərginlik yaratmaqla məşğuldu. Biz hələ bir neçə ay əvvəl Serxionun problemindən xəbərdar idik: onun zədəli olduğunu bilirdik. Onunla müqaviləni ləğv etmək fikrində deyilik. Səbr etməli və Ramosun ümumi qrupda məşqlərə qoşulacağı günü gözləməliyik”.
