“Milan”ın iki futbolçusu arzuolunmaz münasibətlə üzləşib.

Zlatan İbrahimoviç ilə Frank Kessi irqçi təhqirə məruz qalıblar. Xoşagəlməz hadisə A seriyasının bazar günü “Roma” ilə keçirilən səfər matçında baş verib. Yerli azarkeşlər İbrahimoviçi “qaraçı” adlandırıblar, Kessinin penalti ilə vurduğu qoldan sonra isə meymun səsləri çıxarıblar. Xatırladaq ki, “Milan” məhz İbrahimoviç və Kessinin qolları ilə “Roma”ya 2:1 hesabı ilə qalib gələrək “Napoli” ilə şərikli liderliyini davam etdirmişdi.