Dünən Azərbaycan Cüdo Federasiyasının Hesabat-Seçki Konfransı keçirilib.

“Football-plus.az” saytının məlumatına görə, toplantıda yeni prezidentlə yanaşı, vitse-prezidentlər və İcraiyyə Komitəsi üzvlərinin adına aydınlıq gəlib.
Rəqəmsal inkişaf və nəqliyyat naziri Rəşad Nəbiyev ACF-nin prezidenti seçilib. O, bu postda Rövnəq Abdullayevi əvəzləyib. Qurumun vitse-prezidenti, “Neftçi” İdman Klubunun rəhbəri Sadıq Sadıqov və Mikayıl İsmayılov vitse-prezident postunu itirib. Bundan sonra analoji vəzifəni Rövşən Rüstəmov yerinə yetirəcək. Olimpiya çempionu Elnur Məmmədli isə vitse-prezident kimi işini davam etdirəcək.

Ağayar Axundzadə, Raqif Abbasov, Asif Əsgərov, Nazim Hüseynov, Azər Əsgərov və kişilərdən ibarət millinin sabiq baş məşqçisi Elxan Məmmədov İcraiyyə Komitəsinin üzvləri seçilib.