"İnanıram ki, komandamız üst pillələrdə olmaq üçün əlindən gələni edəcək" - Elmar Baxşıyev
Ölkə çempionatının 9-cu turunda baş tutan "Qəbələ" - "Sabah" matçı qonaqların 3:1 hesablı qələbəsi ilə yekunlaşıb.
"Football-plus.az" saytının məlumatına görə, oyundan sonra keçirilən mətbuat konfransında bölgə təmsilçisinin baş məşqçisi Elmar Baxşıyev qarşılaşma ilə bağlı bu sözləri deyib:"Bilirdik ki, bizi çətin oyun gözləyir. Heyətdə itkilərimiz var idi. İki futbolçumuz sarı vərəqə limitinə görə matçı buraxırdı. Bu üzdən heyətdə rotasiya etməyə məcbur idik. Çoxsaylı qol epizodlarımız olsa da, onları dəyərləndirməkdə çətinlik çəkdik. Qapımızda kuryoz qol gördükdən sonra isə toparlana bilmədik. Buna baxmayaraq, ikinci hissədə də öz oyunumuzu göstərməyə çalışdıq. Ümumi götürsək, komandamın çıxışından razıyam. İnanıram ki, qarşıdakı matçlarda daha yaxşı oyun göstərəcəyik. Sadəcə, qarşıdakı oyunu düşünürük. Mövsüm uzundu. Yuxarı yerlər uğrunda oynayıb iddiamızı göstərmək istəyirik. Bu, hərdən alınacaq, hərdən yox. İnanıram ki, komandamız üst pillələrdə olmaq üçün əlindən gələni edəcək".
