Çexiyada koronavirus testi pozitiv çıxan azərbaycanlı hakim Zeynal Zeynalov vətənə qayıdıb.

"Football-plus.az" saytının məlumatına görə, yan xətt hakimi növbəti dəfə test verib və cavab neqativ olub. Bundan sonra o, oktyabrın 28-də ölkəyə qayıdıb.

Ayın 21-də Konfrans Liqası çərçivəsində baş tutmuş "Yablonets” (Çexiya) – "Randers” (Danimarka) qarşılaşması Əliyar Ağayevin rəhbərlik etdiyi hakimlər briqadasına tapşırılmışdı. Həmin matçdan öncə Zeynal bəyin COVID-19 testi pozitiv nəticələnmişdi. Belədə matçda dördüncü hakim funksiyasını yerinə yetirməli olan Elçin Məsiyev onu əvəzləmişdi. Dördüncü hakim funksiyasını isə çexiyalı Yan Petrik yerinə yetirmişdi.