"Forza Neftçi" flaqmandan qələbə gözləyir - AÇIQLAMA
Daha bir həftənin sonuna gəldik. Amma bu həftə çox fərqlənir.
Çünki əksəriyyətin maraqla gözlədiyi, futbolumuzun hazırda ən böyük derbisi olan “Qarabağ” – “Neftçi” dueli baş tutacaq. İdman ictimaiyyətinin də gözü bu oyununun üzərindədi. Hazırda hər iki klub 17 xalla 1-2-ci pillələri bölüşür. Ötən mövsümün çempionunu bəlli edən həlledici matçın da bu iki kollektiv arasında baş tutduğunu nəzərə alsaq, marağın səbəbsiz olmadığını görərik. Xüsusilə də bu komandaların azarkeşləri üçün. Bunu nəzərə alıb onlara tribuna vermək istəsək də, yalnız “Forza Neftçi”nin rəhbəri Sübhan Əliyev qısa açıqlama ilə kifayətləndi:
“İnşallah, azarkeş qrupu olaraq komandamızdan qələbə gözləyirik. Xalların bərabər olması da matça xüsusi həyəcan qatacaq. Buna görə də qalibiyyət “Neftçi”mizin olsun istəyirik. Çünki çempion titulunu qorumaq istəyiriksə, bizə ancaq qələbə lazımdı. Azarkeş qrupu olaraq sonadək komandamızın yanında olacaq, dəstək verəcəyik. Biz həmişə “Neftçi”yə inanmışıq. Bu qarşılaşmada da inanırıq. Komandamızdan qələbə gözləyirik. Sürpriz varsa da, bunu deməyimiz düz çıxmaz. İnşallah, oyun vaxtı rəng qatarıq”.
SƏNƏM FƏRHADOVA
