“Əl-Sədd”in baş məşqçisi Xavi Ernandesin “Barselona”ya gözlənilən təyinatı ilə bağlı məsələ həll olunub.

Bu xəbəri “Diario Sport” yayıb. 41 yaşlı mütəxəssisin Qətər klubunun rəhbərliyi ilə görüşdüyü və tərəflərin ayrılmağa razılaşdıqları bildirilib. Rəhbərlik onun komandaya Qətər çempionatının daha iki matçında başçılıq etməsini istəyib. Bu səbəbdən Xavinin klubdan gedişi ilə bağlı noyabrın 4-nə qədər rəsmi açıqlama verilməyəcək.

O da bildirilir ki, gənc mütəxəssis bir milyon avro təzminat ödəmədən gedəcəyi ilə bağlı “Əl-Sədd”lə şifahi razılıq əldə edib. Beləliklə, Xavi doğma klubuna təmənnasız qoşulacaq. Cümə günü məşqçinin həmçinin “Əl-Sədd”in futbolçularını gedişi barədə məlumatlandırdığı da vurğulanıb.
Xatırladaq ki, “Barselona” oktyabrın 28-də Ronald Kumanı istefaya göndərib. Komandanı müvəqqəti olaraq Serxi Barxuan çalışdıracaq.