Kriştiano Ronaldo “instaqram” rekordunu yeniləyib.

“Mançester Yunayted”in hücumçusunun son paylaşımı “instaqram” tarixində idmançılar arasında böyük bəyənmə toplayıb. Portuqaliyalı futbolçunun sevgilisi Corcina Rodrigeslə birgə əkiz uşaqlarının dünyaya gələcəyi ilə bağlı paylaşdığı şəkil 27 milyondan çox istifadəçi tərəfindən bəyənilib. “İnstaqram”da bir idmançı ilə bağlı paylaşıma görə əvvəlki bəyənmə rekordu PSJ-nin hücumçusu Lionel Messinin ailəsi ilə birgə Paris klubunun formasında poza verdiyi ilk şəkil idi. Həmin postu 22 milyondan çox adam bəyənmişdi.

Yeri gəlmişkən, 36 yaşlı Ronaldonun 4 övladı var. 2010-cu ildə doğulan kiçik Kriştiano, həmçinin 2017-ci il təvəllüdlü Yeva ilə Mateonu surroqat ana dünyaya gətirib. Ronaldonun sonuncu övladı olan qızının anası isə Corcinadı.