Mahir Emrelinin də çıxış etdiyi "Legiya" komandanın bir neçə futbolçusunu spirtli içki qəbul etməkdə günahlandıran sabiq hücumçusu Voytsex Kovalçiki məhkəməyə verir.

"Football-plus.az" saytının məlumatına görə, bu haqda Varşava təmsilçisi xəbər yayıb. Paylaşımda qeyd olunub ki, veteran hücumçuya qarşı hüquqi addımlar atılacaq.

Bəyanatda bəzi oyunçuların və klub rəsmilərinin ev icarəyə götürmələri və orada əyləncə təşkil etmələri də inkar edilib.

Qeyd edək ki, Polşa mətbuatında Kovalçikin ittiham etdiyi futbolçular arasında yığmamızın hücumçusu Mahir Emrelinin də olduğu qeyd edilib.