Nəhayət, Pol Poqba ilə bağlı məsələyə aydınlıq gəlib.

Bilindiyi kimi, “Mançester Yunayted” rəhbərliyi son illər onunla müqaviləni yeniləmək üçün çox cəhdə əl atıb. Lakin fransalı yarımmüdafiəçi hər dəfə klubdan aldığı təklifi geri çevirib. DÇ-2018-in qalibi artıq “qırmızı şeytanlar”ın planlarına daxil deyil. Əksər mənbələr rəhbərliyin onunla danışıqları dayandırdığını xəbər verir. Başqa sözlə, Pol MY-ni mövsümün sonunda azad agent kimi tərk edəcək. Yerli mənbələrə görə, rəhbərlik onunla qış “transfer pəncərəsi” zamanı vidalaşmaq istəmir, 28 yaşlı futbolçunun mövsümün ikinci yarısında komandaya faydalı ola biləcəyini düşünür.