Kimmix nə üçün peyvənd olunmayıb?
''Bavariya''nın yarımmüdafiəçisi Coşua Kimmix hələ də koronavirus əleyhinə peyvənd olunmadığını təsdiqləyib.
"Football-plus.az" saytının məlumatına görə, 26 yaşlı futbolçu bunun səbəbinə belə aydınlıq gətirib:''Nə üçün hələ də peyvənd olunmamışam? Çünki peyvəndin uzunmüddətli nəticələrini görmək istəyirəm. Üzərimdəki məsuliyyətin fərqindəyəm. Bütün qaydalara riayət edirəm və 3-4 gündən bir test verirəm. Amma bu mövzuda hər kəs sərbəst qərar qəbul etməlidi. Koronavirusun mövcudluğunu inkar etmirəm və eyni zamanda peyvəndin də əleyhinə deyiləm. Birmənalı şəkildə peyvənddən imtina etdiyimi demirəm. Gələcəkdə peyvənd olunacağımı istisna etmirəm''.
Qeyd edək ki, Kimmix ''Bavariya''da peyvənd olunmayan 5 futbolçudan biridi. Amma digər tərəfdən o, komanda yoldaşı Leon Qoretska ilə birlikdə fəal şəkildə koronavirusa qarşı mübarizə aparır. Onlar virusdan əziyyət çəkənlərə yardım etmək məqsədi ilə ''We Kick Corona'' adlı xeyriyyə fondu yaradıblar və hərəsi bu fonda 1 milyon avro köçürdüblər!
