Mourinyo Makqreqorla görüşdü
“Roma”nın baş məşqçisi Joze Mourinyo UFC-nin iki çəki dərəcəsində sabiq çempionu Konor Makqreqorla İtaliya paytaxtında görüşüb.
Onlar bir-birinə hədiyyə verib. Portuqaliyalı mütəxəssis irlandiyalı döyüşçüyə komandanın futbolkasını bağışlayıb, o isə baş məşqçini viskiyə qonaq edib. Mourinyo “instaqram” hesabında bunları yazıb: “Bəli, bu odu, dahi Konor Makqreqor. Romaya gəlib. Onunla görüşmək, söhbət etmək, şəhərin ən gözəl futbolkasını bağışlamaq xoş idi. Konor möcüzələr yaradıb, ona “yox” demək çətindi, viskini yoxlamaq lazım gəldi. Əfsanə”.
Xatırladaq ki, Makqreqor amerikalı Dastin Porye ilə döyüşdə aldığı ağır zədədən sonra bərpa olunur.
