BOK FİFA-ya qarşı çıxdı
Beynəlxalq Olimpiya Komitəsi (BOK) FIFA-nın dünya çempionatını 2 ildən bir keçirmək ideyasına qarşı çıxıb.
BOK-un rəsmi saytında yer alan xəbərdən belə aydın olur ki, qurum bu qərarın gələcəkdə ciddi problemlərə yol açacağından narahatdı. Mundialın 2 illik intervalla təşkili başqa idman yarışları ilə toqquşmaya səbəb olacaq: "Bu, başqa idman növlərinin müxtəlifliyini və inkişafını baltalayacaq. Kişilər arasında yarışların artması qadın futbolunun təbliğinə çətinliklər yaradacaq. Təqvimdəki intensivlik oyunçuların fiziki və zehni sağlamlığına daha çox təzyiq göstərəcək".
Xatırladaq ki, FIFA-nın yeni ideyanı bu ilin dekabrında quruma üzv olan milli assosiasiyalar arasında səsverməyə çıxaracağı gözlənilir.
