Sosial şəbəkələrdə “Qarabağ”ın iki üzvü - Toral Bayramovla İsmayıl İbrahimlinin karyerasını ölkə xaricində davam etdirəcəyi ilə bağlı söz-söhbətlər yayılıb.

“Football-plus.az” saytının məlumatına görə, Ağdam təmsilçisinin futbolçuları ilə Polşanın “Legiya” klubunun yaxından maraqlandığı bildirilib. Varşava təmsilçisinin transferlə bağlı “Qarabağ” rəhbərliyinə müraciət etdiyi də qeyd olunub.

Məlumatı dəqiqləşdirmək üçün “köhlən atlar”ın mətbuat katibi Gündüz Abbaszadə ilə əlaqə saxladıq:

“Bu, doğru deyil. Məlumatı “instaqram”da hansısa səhifə paylaşıb. Klubumuza futbolçularımızla bağlı təklif olmayıb. Bu, heç müzakirə mövzusu belə deyil”.

İLKİN SULTANLI