"Şahruddin mənə çox sərt irad bildirdi" - Xulio Sezar Rodrigez
Premyer-liqanın 7-ci turunda "Qarabağ" "Sabah"ın qonağı olub.
"Football-plus.az" saytının məlumatına görə, "ağ-göylər"in futbolçusu Xulio Sezar Rodrigez qırmızı vərəqə alması haqda danışıb:"Həmin hadisədən öncəki epizodda top uğrunda adi mübarizə gedirdi. Rəqib qapıçıya zərər yetirmək fikrim yox idi. Biz yerdə qaldıqda, o, mənim zədəli dizimin üzərinə yıxıldı. Rəqib qapıçı Şahruddin Məhəmmədəliyev isə mənə çox sərt irad bildirdi. Həmin an bu cür reaksiya verməklə səhv etdim. Ancaq rəqib qapıçının həmin anda belə sərt reaksiya göstərməsi və məni təxribata çəkməsi düzgün deyildi".
