2022-ci il Qətərdə keçiriləcək dünya çempionatının Avropa zonası üzrə seçmə mərhələsində pley-offun püşkatma mərasiminin vaxtı bəlli olub.

Tədbir noyabrın 26-da İsveçrənin Sürix şəhərində gerçəkləşəcək. Seçmə mərhələ matçlarından sonra qruplarda ikinci yeri tutmuş 12 komanda üç vəsiqə uğrunda mübarizə aparacaq. Pley-off mərhələsi üç hissəyə bölünüb, hər birində yarımfinal, sonra isə final oynayan 4 komanda yer alacaq.
2-ci yer sahiblərindən qruplarında ən çox xal toplayan yığmalar yarımfinalları öz stadionlarında təşkil edəcək. Püşkatmadan sonra finalın ev sahibi bilinəcək.
Xatırladaq ki, dünya çempionatı gələn il 21 noyabr - 18 dekabr aralığında keçiriləcək.