Premyer-liqada 7-ci turun oyunları keçirilir.
"Football-plus.az" saytının məlumatına görə, səfərdə "Səbail"in qonağı olan "Keşlə" rəqibini 1:2 hesabı ilə məğlub edib. "Qırmızı-ağlar"ın baş məşqçisi Sənan Qurbanov oyundan sonra mətbuat konfransında fikirlərini bildirib:
Daha sonra Sənan Qurbanov mətbuat işçilərinin suallarını cavabladı:
-Komanda artıq normal oyun sərgiləyir demək olarmı? Rəhmanın adı oyun protokolunda yox idi. Bunun səbəbini də bilmək istəyirdik.
"Əlbəttə, yaxşı günlər yaşamadıq. Bu o demək deyil ki, hər oyundan-oyuna nəsə dəyişəcək. Biz sadəcə olaraq, yanaşmamızı dəyişməməliyik udsaq da, uduzsaq da. Ən önəmlisi odu. Uduzsaq təbii ki, həftəyə daha neqativ hisslərlə başlayırsan. Amma udduğun təqdirdə işlədiyin bir plan var ki, dəyişməz olaraq qalır. O planı pozitiv həyata keçirməyə çalışırsan. Bu yöndə böyük fərq edir. Amma heç bir halda işə yanaşma dəyişməməlidi. Əgər biz qələbə qazanırıqsa, bu bizim məsuliyyətimizi artırır. Ona görə tam işə köklənmək mənim prinsipimdi. Bütün futbolçulara da çatdırmağa çalışırıq ki, tam həyatınızı təşkil edən futbol olmalıdı. Heç bir şey ona maneə törədə bilməz. Ona görə, işə yanaşma birinci növbədə gəlir.
Rəhmana gəldikdə, onun zədəsi var. "Sumqayıt" ilə yoldaşlıq oyunu oynayanda arxa əzələsində ağrılar hiss elədi. Biz də risk eləmədik. Həkimlər Rəhmanın növbəti həftədən komandaya qoşulacağını bildirdi."
- Abanq 90 dəqiqə oynamağa hazır deyil? Yoxsa ondan xilaskar obrazı düzəltmək üçün ikinci hissədə meydana buraxdınız?
"Abanq komandamız ilə məşqlər edir. "Sumqayıt"la oyunda da start heyətində başladı. Sadəcə olaraq, olan üzrə belə fikirləşmişdik ki, Abanq ikinci hissə də meydançaya daxil olmalıdı. Bəzi elementlər var onları açıqlamaq biraz doğru olmaz. Ona görə, ikinci hissəyə saxlamışdıq. O da ümidlərimizi doğrultdu.
- Ümumiyyətlə Abanqın düzəldiyini hiss edirsiniz? Yoxsa yenə sərt oynayır?
"Abanq aqressiv və sürətli futbolçudu. Biz bilirdik ki, bu oyunda birə-bir qalmalar çox olacaq. Əsas da ikinci hissədə elə də oldu. Birə-bir qalmaq üçün iri cüssəli futbolçuya ehtiyac var idi. O, gözləntilərimizi doğrultdu.
- Oyunun birinci hissəsində Netoya nə isə deyirdiniz, sanki o sizi eşitmədi. İkinci hissə də onu əvəzlədiniz. Buna səbəb nə idi?
"Bilirsiz, həm hücum da, həm oyun da elə momentlər olur ki, həftə boyu futbolçularla onu danışırıq amma onu unudurlar. İnsaid zonada oynamalı idi orda. Sadəcə olaraq, mövqe səhvi var idi. Biz topu alandan sonra ona verməli idik. O, biz dediyimiz yerdə deyildi. Futboldu, o da əlindən gələni elədi, kömək elədi komanda üçün. Onsuzda biz bu əvəzetməni planlaşdırmışdıq."
"Bütün futbolçulara çatdırmağa çalışırıq ki, tam həyatınızı təşkil edən futbol olmalıdı" - Sənan Qurbanov
"Bu oyuna gəldikdə çox yaxşı hazırlaşmışdıq. Millinin oyunları ilə bağlı yaranan fasilədə komandamızda yaxşı məşqlər elədik, hazırlıq prosesi keçdik. Həm psixoloji, həm emosional cəhətdən bizə lazım olan məqamlar var idi ki, buna qədər həm "Qarabağ" , həm də "Sabah" oyununda xarakter göstərməyimiz bizi sevindirdi. Futbolçulara bunu çatdırdıq. Bu xarakteri formalaşdırmaq asan deyil. Bəlkə də o məğlubiyyətlər komanda da bu xarakteri yaratdı. Futbolçularımı təbrik edirəm. Bu gün "Səbail" ilə bu meydançada oynamaq asan deyildi. Hər iki komanda üçün çətin olacağını bilirdik. Çox maraqlı oyun alındı. "Səbail"i də təbrik etmək lazımdı. Aftandil müəllim yaxşı heyət qurub. Birinci dəqiqədən sonuncu dəqiqəyə qədər hər iki komanda meydançada dayanmadı. Birinci hissədə daha çox qol imkanlarımız oldu. Dəyərləndirə bilsəydik bizim üçün daha asan olardı. Amma sona qədər bu mübarizə davam elədi. Qələbə bizə çox lazım idi. Futbolçularımı təbrik edirəm".
