Məşhur məşqçinin avtomobili oğurlandı
Luçano Spalletti arzuolunmaz vəziyyətə düşüb.
“Napoli”nin baş məşqçisinin avtomobili oğurlanıb. Hadisə cümə axşamından cüməyə keçən gecə baş verib. 63 yaşlı mütəxəssisin “Fiat Panda” markalı maşını onun qaldığı otelin qarşısındakı ərazidən “yoxa çıxıb”. Spalletti artıq polisə müraciət edib.
Qeyd edək ki, o, bu yay Neapola “Mercedes”lə gəlib. Lakin bir müddət sonra avtomobilini “Fiat Panda”ya dəyişməyi lazım bilib. Spalletti oğurlanan maşınını Neapolda daha rahat hərəkət edə biləcəyinə görə seçib.
