"Qarabağ" Konfrans Liqasının qrup mərhələsinin 3-cü turunda "Kayrat"ı qəbul edəcək.

"Football-plus.az" saytının məlumatına görə, Tofiq Bəhramov adına Respublika stadionunda baş tutacaq mətbuat konfransları və açıq məşqlərin tarixi bəlli olub. Bu məlumatı "Qarabağ"ın mətbuat xidmətinin rəhbəri Gündüz Abbaszadədən aldıq.

"Köhlən atlar"ın baş məşqçisi Qurban Qurbanov media mənsublarının önünə oktyabrın 20-də, "Tofiq Bəhramov"da saat 12.00-da çıxacaq. 17.15-də isə "Azərsun Arena"da media nümayəndələri üçün komandanın açıq məşqi olacaq.

Həmin gün 18.30-da "Kayrat"ın baş məşqçisi Kurban Berdıyevin mətbuat konfransı, 19.00-da isə komandanın açıq məşqi baş tutacaq.

Qeyd edək ki, "Qarabağ" - "Kayrat" qarşılaşması oktyabrın 21-də, saat 20.45-də start götürəcək.

GÜNAY VƏLİYEVA