“Azərbaycan milli komandasının üzvü Mahir Emrelinin oktyabrın 11-də verdiyi COVID-19 testi pozitiv nəticələnmişdi. Bununla bağlı UEFA-ya müvafiq məlumat verilmişdi. Oktyabrın 11-də Emrelidən götürülən ekspress-test neqativ olmuşdu. Bu gün – oktyabrın 12-də futbolçunun növbəti PCR testi də neqativ nəticələnib. Mahir Emrelinin son 24 saat ərzində verdiyi COVID-19 testlərinin fərqli nəticələri ilə bağlı UEFA-ya məlumat verilib”.

“Bakıdan Belqrada gedəndə Mahir də komanda yoldaşları kimi COVID-19 testi verdi. Onun nəticəsi neqativ çıxdı. Serbiyada həmişə olduğu kimi, oyundan bir gün öncə oteldə laborator şəraitdə oyunçulardan yenidən analiz götürüldü. Bu, bütün komandalar üçün keçərlidi. Koronavirus pandemiyası başlayandan bəri bu prosedur belə həyata keçirilir. Mahirdən başqa hamının testi neqativ nəticələndi. Heç bir simptomun olmadığı və Bakıdan gələndə analizinin nəticəsinin neqativ olduğu nəzərə alaraq Mahir yenidən test verdi. Oynaya bilməməsinin səbəbi isə fərqlidi. Qayda belədi ki, oyundan bir gün öncəki testin nəticəsini gecə saat 12-yə kimi UEFA-ya göndərmək lazımdı. Avropanın ali futbol qurumuna növbəti gün matçda iştirak edəcək futbolçuların da siyahısını göndərmək lazımdı. Mahirin də həmin məqamda testinin nəticəsi pozitiv olduğu üçün oyunda iştirak edə bilmədi. Düzdü, Emreli yenidən test verəndə onun cavabı oyun, üçüncü analizin cavabı isə qarşılaşma günü çıxdı ????. Bu səbəbdən də futbolçu heç bir problem olmadan Polşaya yollandı. Sosial şəbəkələrdə yazılanlarla bağlı şərh vermək istəmirəm. Onsuz da hamıya bəllidi ki, əksəriyyət konkret nəsə yazmır. Hər kəs bildiyi, düşündüyü, görmək istədiyi şeyləri dilə gətirir. Amma dəqiq deyə bilərik ki, Mahir Emreli bizə Serbiya ilə matçda oynamaq istəmədiyi ilə bağlı nəsə deməyib. Nə də başqa bir futbolçunun bu barədə fikri olub. Yenə deyirəm, sosial şəbəkələrdə yazılanlar həqiqəti əks etdirmir. Bu informasiyanın heç bir əsası yoxdu”.