"İlk hissədə meydanda yox idik" - Obradoviç
21 yaşadək futbolçuların Avropa çempionatının seçmə mərhələsində Azərbaycan və Xorvatiya yığmaları qarşılaşıb.
5:1 hesabı ilə başa çatan oyundan sonra millimizin baş məşqçisi Milan Obradoviç məğlubiyyəti şərh edib:
"Danışmağa nəsə yoxdu. İlk hissədə meydanda yox idik. Hərəkət yox idi. 3 qolu standart vəziyyətdən buraxdıq. İkinci hissədə əlimizdən gələni etməyə çalışdıq. Xorvatiya ilə aramızdakı səviyyə fərqini gördünüz. Onu da başa düşməliyik ki, potensialımızı hər oyun göstərmək lazımdı. Xorvatiyadaki oyunda rəqib bütün şansları dəyərləndirə bilmədilər. Amma indi alındı. İkinci hissədə başa düşdük ki, doğma meydandayıq, oynamaq lazımdı. Amma eyni səhvləri etdik. Bunun üzərində çalışmalıyıq. Səbr etməliyik və bütün səhvlərin aradan qaldırılmasına çalışmalıyıq".
