Oktyabrın 18-də AÇ-2022-nin final mərhələsinin püşkatma mərasimi keçiriləcək.

“Football-plus.az” saytının məlumatına görə, Niderlandın Zeist şəhərindəki futbol federasiyasının düşərgəsində təşkil olunacaq tədbirdə ölkəmizi milli komandanın baş məşqçisi Joze Alesio Da Silva və yığmanın meneceri Fərrux Hüseynzadə təmsil edəcək. Püşkatma yerli vaxtla saat 18.00-da (Bakı vaxtı ilə 20.00) start götürəcək.

Final mərhələsində ilk dəfə 16 komanda yarışacaq. İştirakçılardan 15-i məlumdu. Noyabrda Serbiya və Belarus arasında keçiriləcək pley-off oyunlarından sonra son iştirakçı da müəyyənləşəcək.

Qeyd edək ki, millimiz ardıcıl 6-cı dəfə Avropa çempionatının final mərhələsində mübarizə aparacaq.