Azərbaycan çempionatında şok hadisə
Futzal üzrə ölkə çempionatının ikinci dəstəsində 1-ci turun oyunları keçirilib.
“Football-plus.az” saytının məlumatına görə, “Zülfüqar” – “Hövsan” matçı sona 1 dəqiqə qalmış dayandırılıb. Federasiyanın rəsmi saytında bu görüşün nəticəsi ilə bağlı İntizam Komitəsinin qərar verəcəyi qeyd olunub.
Qarşılaşmanın hansı səbəbdən dayandırıldığını öyrənmək üçün federasiyanın mətbuat katibi Mahal Məmmədovla əlaqə saxladıq: “Oyunun sonuna 1 dəqiqə qalmış hakim Elgün Hüseynov “Zülfüqar”ın oyunçusu Elmir Məmmədova qırmızı vərəqə göstərdi. Futzalçı zalı tərk etmək istəmədi. Belədə hakim fitini çalıb oyunu saxladı. Orda dava-dalaş, hansısa insident olmayıb. Sadəcə, “Zülfüqar”ın futzalçısına görə matç başa çatmadı”.
