DÇ-2022-nin seçmə mərhələsində Azərbaycan yığması Serbiyanın qonağı olacaq.
"Football-plus.az" saytının məlumatına görə, ev sahibinin futbolçusu Uroş Spayiç oyun haqda fikirlərini söyləyib:
“Narahatlıq üçün əsas yoxdu. Amma ciddiyət olmalıdı. Arxayınlaşmaq olmaz. Düzdü, tarixdə nəticə qalır. Amma Bakıdakı ilk matçda öz oyunumuzu göstərə bilməmişdik. Lissabona rahat getmək istəyiriksə, sabah qələbə qazanmalıyıq. Hər şey öz əlimizdədi. Rəqibə meydanda nəsə etmək imkanı verməməliyik. Meydana inamlı çıxsaq, ilk yarım saatda üstünlüyü ələ ala bilərik. Gərginliyə düşməmək üçün erkən qol vurmaq lazımdı”.
Qeyd edək ki, bu gün keçiriləcək Serbiya - Azərbaycan qarşılaşması saat 22.45-də başlayacaq.