"Azərbaycanı da məğlub edəcəyik" - Duşan Tadiç
Sabah DÇ-2022-nin seçmə mərhələsində Azərbaycan millisi Serbiyanın qonağı olacaq.
"Football-plus.az" saytının məlumatına görə, ev sahibinin futbolçusu Duşan Tadiç Lüksemburqla oyun haqda danışıb:“Lüksemburqa qarşı daha yaxşı oynamalı idik. Rəqib çox yaxşı çıxış etdi”.
Yarımmüdafiəçi daha sonra Azərbaycan ilə matç haqda da fikirlərinin söyləyib:“Lüksemburqla görüşü unudacağıq. Pis-yaxşı 3 xal əldə etdik. Artıq növbəti oyuna köklənmişik. Azərbaycanı da məğlub edəcəyik. Ondan sonra Portuqaliyaya qarşı final matçına hazırlaşacağıq”.
Qeyd edək ki, Belqradda keçiriləcək Serbiya – Azərbaycan oyunu saat 22.45-də başlayacaq.
