Millinin AÇ-2024-dəki rəqibləri Frankfurtda müəyyənləşəcək? -RƏSMİ
UEFA AÇ-2024-ün seçmə mərhələsinin püşkatma mərasiminin tarixini açıqlayıb.
“Football-plus.az” saytının məlumatına görə, millimizin də rəqiblərinin müəyyənləşəcəyi tədbir 2022-ci il oktyabrın 9-da Almaniyanın Frankurt şəhərində keçiriləcək. Mərasim dünyanın ən böyük və məşhur sərgi mərkəzlərindən “Festhall”da təşkil olunacaq. Bu haqda qrumun rəsmi saytı xəbər paylaşıb.
2024-cü ildə keçiriləcək turnirə vəsiqə qazanmaq uğrunda ev sahibi Almaniya və millimizdən başqa, 53 ölkə mübarizə aparacaq. Bu yığmaların hansı qruplarda yer alacağına isə 1 il sonra aydınlıq gələcək.
Frankfurt son dəfə 2003-cü ilin dekabrında, 2006-da Almaniyada keçirilən DÇ-nin seçmə mərhələsinin püşkatma mərasiminə evsahibliyi edib.
AÇ-2024-ün direktoru Filipp Lam turnir və mərasimlə bağlı bu sözləri deyib: “Püşkatma Almaniyada AÇ-2024-də oynamaq istəyən bir çox komandanın ilk addımıdı. Maraqlı mərasim gözləyirik. Bütün komandalara kim olduqlarını müəyyənləşdirmək üçün ədalətli və həyəcanlı yarış diləyirəm".
UEFA-nın baş direktoru Martin Kellen sabiq almaniyalı futbolçunun sözlərinə bunları əlavə edib:"Püşkatma mərasimi beynəlxalq səviyyəli tədbir olacaq. Komandaları məşqlərə diqqət yetirmələrinə, Almaniya ilə bağlı gözləntilərini artırmağa çağırıram. Mükəmməl TV baxışı olacaq. Məkan, təcrübə və mərasimlərə diqqət baxımından Frankfurt ideal şəhərdi. Bu, loqotipin təqdim olunması və “Leipziger Messe”nin beynəlxalq yayın mərkəzi elan edilməsindən sonra AÇ-2024-ə gedən yolda ən son mərhələdi. Bildirim ki, yekun püşkatma mərasimi Elbe filarmoniyasında baş tutacaq”.
Qeyd edək ki, Frankfurt şəhəri sahəsinə görə dünyanın ən böyük ticarət sərgisi, konqres və tədbir təşkilatçısıdı. “Festhall” mərkəzi isə 15 min nəfəri qəbul edə biləcək çoxşaxəli məkandı.
