Amerikalı MMA döyüşçüsü Castin Tornton BKFC 20 turnirində yalın yumruqla döyüş zamanı aldığə nokautdan heç cür özünə gələ bilməyib və vəfat edib.

Onun 38 yaşı var idi. Avqustun 20-də keçirilən döyüşdə Torntonu Dillon Kleker nokauta salmışdı. Cəmi 19 saniyə çəkən döyüşdən sonra amerikalı hospitala aparılmışdı.

Qismən iflic olan, eləcə də qabırğa zədəsi üzündən infeksiyaya yoluxan Torntonun həyatını xilas etmək mümkün olmayıb. O, yarımağır çəki dərəcəsində çıxış edirdi. İndiyə qədər çıxdığı 24 döyüşün 6-da qalib gəlmiş, 18-də uduzmuşdu...