“Lokomotiv”də baş məşqçi problemi yaranıb.

Marko Nikoliç komandadan ayrılmalı olub.

Rusiya klubu 42 yaşlı mütəxəsis ilə müqaviləni qarşılıqlı razılıq əsasında pozub. Buna komandanın son 5 matçda qələbə qazana bilməməsi (3 heç-heçə, 2 məğlubiyyət) şərait yaradıb. Nikoliçə 3 milyon avro təzminat ödəniləcək. Maraqlıdı ki, rəhbərlik ona istefasının səbəb(lər)i ilə bağlı noyabra qədər KİV-ə açıqlama verməyi qadağan edib. Nikoliç “Lokomotiv”i ötən ildən çalışdırırdı. “Dəmiryolçular” onun rəhbərliyi altında ölkə çempionatında 2-ci və 3-cü yerləri tutmuş, həmçinin Rusiya kubokunu qazanmışdılar.

Moskva klubu Dmitri Loskovu müvəqqəti baş məşqçi təyin edib. Komandanın 47 yaşlı sabiq yarımmüdafiəçisi 2016-cı ildən məşqçi korpusunda fəaliyyət göstərir.